سئودا
صدایت میکنم.حال اگر یابم دعایت میکنم*جان اگر خواهی فدایت میکنم/با توام هر لحظه. تنها نیستی*گوش کن هر شب صدایت میکنمسئودا
صدایت میکنم.حال اگر یابم دعایت میکنم*جان اگر خواهی فدایت میکنم/با توام هر لحظه. تنها نیستی*گوش کن هر شب صدایت میکنم
yeni sherlar
« خسته »
نئجه دینجه لره م ، بیر ده لی چووغون
اسیب قایدالاری دولاشدیرارسا.
شه هرده بیر منم ، بیر ده یوخلوغون ،
یالاندیر ، ریا د یر قالان نه وارسا .
سئوگی حدّ تانیمیر ، آرتیر ایل به ایل ،
سئوگی نین سرحدّی سئوگی دیر یئنه .
سنه صداقتیم – عادی بورج دئییل ،
سنه صداقتیم – سئوگی دیر سنه .
خسته آپارمیسان ساغالتماق اوچون.
اونا شفا وئره ن منه درد وئریر .
خبرین یوخدور کی ، سنین یوخلوغون
من یازیق ساغلامی خسته لندیریر .
« یالان دونیا »
گاه باشیما تومار چکه ن ،
گاه ایلان تک چالان دونیا .
گاه سینه مه داغلار چکه ن ،
گاه کؤنلومو آلان دونیا .
گاه داغیلان ، گاه قورولان ،
بعضاً آچان ، بعضاَ سولان ،
گه لن لری یولا سالان ،
اؤزو باقی قالان دونیا .
بیر یاندا آت ، بیر یاندا اوت ،
سولو گونش ، ساغی بولود .
« دوشانا قاچ ، تازی یا توت » -
دئیه ن کؤهنه فیلان دونیا .
مین رنگی وار ، مین دونو وار ،
نئچه – نئچه اویونو وار ،
نه اوّل لی ، نه سونو وار ،
یالان دونیا ، یالان دونیا !